Beyləqan Market Ofisi 3000-ci Müştəriyə Kredit Verdi

“FINCA Azerbaijan” Kredit Təşkilatının Ağcabədi Filialının nəzdində fəaliyyət göstərən Beyləqan Market Ofisi artıq 3000 nəfərdən çox müştəriyə xidmət göstərir. Belə ki, Beyləqan Market Ofisi keçən ilin dekabr ayının 29-da 3000-ci müştəriyə kredit vermişdir. Ofisin idarə etdiyi kredit portfeli isə 2,7 milion USD-dən çoxdur. Xatırlatmaq istərdik ki, Beyləqan Market Ofisi 2003-cü ilin fevral ayından etibarən rayon əhalisinə xidmət göstərir. Hal-hazırda ofisdə 6 nəfər kredit işçisi çalışır.

Bu uğurlarına görə bütün Ağcabədi Filialının heyətini, xüsusilə də Beyləqan Market Ofisinin kredit işçilərini təbrik edirik.

Xatırladaq ki, “FINCA Azerbaijan” 1998-ci ildən Azərbaycanda fəaliyyət göstərir və 27 filial və 35 market ofisi ilə 120,000 nəfərə yaxın müştəriyə xidmət göstərən və 117 milion USD-dən çox kredit portfelinə sahib ölkənin ən böyük kredit təşkilatıdır.